samaso ospek

bagian I

Jalan taban rimbo babatu
Kayu jati patah batimpo
Dek hati bana nan katuju
Mako dituju ranah padang ko

Kok karimbo mancari kayu
Dapek rotan kajadi juo
Kapadang nangko mancari ilmu
Untuang lai dapek nan dipinto

Lah jatuah balam tabang
Apo kadayo rantiang patah
Lah jauah denai batenggang
Untung takadie dari allah

Disangko dakek ranah talu
Jalan bakelok malah ruponyo
Disangko sanang jadi anak baru
Batin latiah badan taseso

Bajalan bana sanak beko
Ranah ditampuah alun lai jaleh
Co iko bana seniorko
Inyo galak awak nan cameh

Sikaduduak batimbo jalan
Urang marambah jo manaruko
Lah denai cubo mandakekan
Apo kadayo badan lah seso

Di ituang bana ciek-ciek
Hilang sabuah usah dicari
Lah taraso badanko panek
Awak juo nan nyo hariak i

Kok diputa di gulang-gulang
Lai badaso buah tangan
Kok lah duduak batanang-tanag
Awak batua nyo juo nan ajan

Oi malapor denai ka ateh
Urang diateh indak lo berang
Oi senior kiniko den cameh
Beko den pacari kalian surang-surang

Harok bana punai nan tabang
Balam ditangan balapehkan
Lah sapakan denai manenggang
Habih pakan nyo elok-elokan

Labels : free wallpapers wall black weldingmachines